Kaixo familia!
Gure hirian bederatzi urte beteko dituen Mintzalaguna
egitasmoan parte hartzeko gonbitea luzatzeko idazten dizugu. Urterik urte sarea handituz doa eta dagoeneko 600 lagunok osatzen dugu eta zu gurekin
nahi zaitugu!
Mintzalagunaren helburua euskararen
normalkuntzan eragitea da, euskaraz hitz
egiteko ohitura duten lagunak hitz egiteko ohitura edo aukera ez dutenekin
elkartuz.
Besteak beste, hitz egiteko jariotasuna eskuratzea, euskaraz
mintzatzeko motibazioa eta ohitura txertatzea eta harreman sare euskaldunak
ehuntzea dugu helburu.
Etxeko
hizkuntza-ohituretan eragiteko asmoz gainera, Gasteizko 14 ikastetxetan, TOKIEDER IKASTOLA tartean, gurasolaguna aldaera eskaintzen dugu. Gurasolagunak ikastetxe bereko gurasoak euskaraz hitz egiteko elkartzen ditu, gutxienez astean behin
ordubetez, partaideek erabakitzen duten toki, egun eta ordutegian.
Asteroko
hitzorduaz gain, beste taldeetako kideak
ezagutzeko eta seme-alaben partaidetza bilatuz ekintza osagarri desberdinak antolatzen ditugu: mendi irteerak, tailerrak,
txango kulturalak, jaiak...
Ikasturte
berri honetan izena-emateko epea
urriaren 1tik 21era luzatuko da. Izena emateko esku-orriak Ikastolako IDAZKARITZAn
topatuko dituzu baita
Gasteizko gizarte etxeetan zein euskaltegietan ere. www.gasteizkomintzalaguna.com web-gunean
ere matrikulatzeko aukera duzu. 2015/2016 ikasturteko kuota 15 €-koa da.
Egitasmoaren xehetasun guztiak ezagutu nahi badituzu hurbildu ikastolako
IDAZKARITZAra.
Honebestez,
gurasolaguna egitasmoko partaide izatera animatzen zaitugu, Gasteizen euskara gehiago erabili eta entzun
dadin!
Zurekin hitz egin nahi dut!
Txuma
Ikastolako
idazkaria 945171210
*Parte hartzeko baldintzak:
Euskaraz komunikatzeko
gutxieneko maila izatea (6.urratsa edo baliokidea) eta astean behin
ordubete inguru zure taldearekin biltzeko konpromisoa hartzea.
0 iruzkin:
Publicar un comentario