Azkenean badugu
rokodromoa ikastolan!
Urtero bezala, ikasturte
amaierako jaian bildutako dirua eta ikastola osatzen dugun familia guztion
laguntza gure seme-alaben ikastola hobetzeko erabili da. Urte batzuetan
kirol-materiala erosi
dugu, beste batzuetan arbela digitalak, eta aurten, hainbat zailtasun eta
atzerapen gainditu ondoren, egia bihurtu zaigu ikastolan rokodromoa izateko
proiektua. 5,50 metroko luzera eta 2,50 metroko altuerako boulder moduko
rokodromoa jarri dugu kiroldegiko horma batean; ziur gaude gorputz hezkuntzako
eskoletan eta eskola-orduz kanpoko ekintzetan oso baliagarria izango dela, gure
seme-alabek ariketa desberdin eta zirraragarriak egin ahal izateko.
Ikusten duzuen bezala, Guraso Elkarteko ama eta aita bolondresen lanak gure
seme-alaben hezkuntzarako oso gauza positiboak lortzen ditu eta horregatik
guztiok animatu nahi zaituztegu martxan ditugun batzorde desberdinetan parte
hartzera.
Gutako bakoitzak ahalegin txiki bat eginez, denon artean gauza handiak
lortzen dira!
ORAIN DISFRUTATZERA!!!