Zuzendaritaren oharra

Familia agurgarria:

              Ohar honen bidez festa hauetarako eta hastear dagoen urte berrirako gure desiorik hoberenak adierazi nahi dizkizuegu. Bide batez gogorarazten dizuegu ostiralean, abenduak 21, eguerdiko 13:00etan, oporrak hasiko direla. Beraz, ostiralean ez da jantoki zerbitzurik izango.

Klaseak urtarrilaren 7an hasiko dira.

             

              Olentzeroren etorrera 21ean ospatuko dugu. Dakizuen bezala Ikastola honetan  ohitura dugu egun honetan baserritarrez jantzita etortzea. Beraz, gogoan izan eta ekarri umeak baserritarrez jantzita. Neskei buruko zapia nola jartzen zaien ikusteko  Ikastolako blogean eskegi dugu.              

          Olentzeroren jaialdian zozketan ateratzen diren zenbaki sarituak ikusgai egongo dira Ikastolako ateetan eta blogan urtarrilaren 14arte.

               Proposatutako helburuak lortuta, Plastikozko Tapoien Birziklapen Solidarioaren kanpainari bukaera emango zaio. Hau dela eta Ikastolan tapoiak jasotzeko azken eguna opor osteko urtarrilaren 8a izango da.

Oharra: Ohar hau emailez bidali zaie honela eskatu duten familiei. Hauetako norbaiti ez bazaio iritsi, mesedez jarri gurekin harremanetan.

         Besterik gabe, gure agurrik beroena jaso ezazue.

                                                Zuzendaritza

                       

Ipuin musikatua 4 urtekoeentzat

Ostiralean Udalak antolatutako jarduera bat eskeini zitzaien 4 urtekoen geletako neska-mutikoei. Bertan aktoresa batek hainbat tresna eta ohiko elementuekin soinuak eta musika sortuz ipuin bat musikalizatu zuen. Oso polita izan zen. Begira zein adi egon ziren umeak.

Ipuin musikatua on PhotoPeach

3. mailakoak Mendixurreko hegaztiekin

Hiruilabete honetan Mendixurreko hegaztien behatokira joaten ari gara 3. mailakoak. Hango arduradunek oso ondo erakusten dituzte urtegiko eta hegaztien ezaugarriak. Hasieran  Garaioko interpretazio-gunean urtegiko maketa batean urtegia urez nola betetzen den ikusten da. Gero prismatikoekin urtegian dauden hegazti desberdinak behatzen ditugu. Mendixurren  hegaztien ezberdintasunak ikusten dira. Oso ekintza polita eta interesgarria da.

3. mailakoak Mendixurreko hegaztiekin on PhotoPeach

Familien mendi irteera azaroan

Toki Eder Ikastolako AMPAk, guraso batzuek proposatuta mendi irteera bat egin genuen, pasa den azaroaren 18an. Euria dela eta, planak aldatu genituen eta Aiuda ibaiaren ibilbidearen ordez, Salburuara joatea erabaki genuen. Gende gutxi animatu ginen baina giro ezin hobea!

3. mailakoak gizartetxeko liburutegian

3. mailako taldeek ekintza interesgarria egin zuten Lakuako Gizartetxeko liburutegian. Liburutegiei eta liburuei buruzko gauza berriak ikasi zituzten. Hona hemen  argazki batzuk.


Auzoko liburutegian on PhotoPeach

Arratsaldean herri kirolen txokoa

Abenduaren 3an, euskararen egunaren ospakizunean, herri kiroletan jolasteko txoko eder batzuk antolatu genituen ikastolan. Oso ondo atera zen dena.

 Herri kirola txokoak ikastolan on PhotoPeach

Euskararen egunean dantzan

Euskara eguna dela eta euskaraz egiten dugula ospatzeko, goizean dantzatu gara eta arratsaldean herri kiroletan txokoetan aritu gara jolasean. Zein ondo pasatu dugun!
Araban Boga Boga Tokieder Ikastolan from Tokieder on Vimeo.

Herri kirolen erakusketa Tokiederren

Hemen dago, ostiralean, azaroak 30, ikusi genuen herri kirolen erakusketa. Bertan ikusgai aizkolariak, harrijasotzaileak… Hau dena euskal giroan ospatu genuen!

Herri kirolen erakusketa Tokiederren on PhotoPeach

1. mailakoak Lapurriketan:Argazkiak

Azaroaren 15 eta 16an 1. mailako 3 gelak Bizkaiko Dima herrian dagoen Lapurriketa baserri-eskolan egon ginen. Zorionez eguraldiak asko lagundu zigun dena primeran ateratzeko.

Ekintza asko egin genituen: ogia eta bizkotxoa egiten ikasi, mendira joan, korta eta ortua ezagutu, herri kirolak praktikatu, diskotekan dantzatu... eta elkarrekin primeran pasatu.

Mundiala izan zen!

1. maila Lapurriketan on PhotoPeach

Kanpaina hasiera Lehen Hezkuntzan

Lehen Hezkuntzan ikastolako bi pelotariek lagundu digute "Araban Boga Boba euskara gora doa" euskara kanpainari hasiera emateko. Guztiok elkartu gara Areto Nagusian ikusteko zein herri kiroletan arituko garen bai erakusketan bai jolas txokoetan. Eutsi gogor euskarari!
Araban Boga Boga Lehen Hezkuntzan on PhotoPeach

Kanpaina hasiera Haur Hezkuntzan

Haur Hezkuntzan "Araban Boga Boga euskara aurrera doa" euskara kanpainari hasiera eman zaio antzerkitxo polit honekin. Hurrengo egunetan herri kirolen munduan murgilduta, euskarari bultzada ikaragarria emango diogu. Aurrera!
Araban Boga Boga Haur Hezkuntzan on PhotoPeach

Larunbateetako mendi irteeren egutegia

Iturribero mendi taldeak larunbatetan antolatzen dituen urte osoko irteeren egutegia hemen ondoan azter dezakezue, "Informazio Orokorra" atalean. 
Parte hartzeko baldintzak blog honen aurreko sarrera batean ikus ditzakezue.

1. mailakoak Lapurriketan

  1. mailako taldeek bi egun pasatu zituzten Lapurriketa barnetegian. Argazki polit hau atera zuten.  

Tokieder dantzan

Ikasturteko lehenengo kanpainari amaiera emateko ,irailean Lehen Hezkuntzako ikasle  eta irakasleek dantza bat eskaini zuten. Hona hemen.


Tokieder dantzan 2012 from Tokieder on Vimeo.

Gasteizko IV jardunaldi pedagogikoak

VITORIA-GASTEIZKO IV.JARDUNALDI PEDAGOGIKOAK: FAMILIA, ESKOLA ETA NORTASUNAREN GARAPENA HAURTZAROAN

Dagoeneko irekita dago Vitoria-Gasteizko IV.Jardunaldi Pedagogikoetan izena emateko epea.

Honekin batera programa ere ikusgai duzue.

Horretarako IV Jardunaldiak sakatu.