Talde argazkien urtekaria

Egun hauetan Ikastolako taldeen argazkien albuma eska dezakezue. Salneurria 7,50€koa da. Honekin batera zuen seme-alabaren argazkia eros dezakezue, 1,50€tan. Eskaera Ikastolako idazkaritzan egin dezakezue sobre batean datuak eta dirua emanez.
Ekintza hau AMPAren ekimena izan da.

Antzerkia ingelesez 4 eta 5 urtekoentzat

Maiatzaren 9an Haur Hezkuntzako 4 eta 5 urteko umeek antzerkia ingelesez ikusi zuten. Forum Theatre & Education taldeak "Mary Magic at the North Pole" antzezpena eskeini zien.

Sokasaltorako kantak

Hona hemen aste honetan (euskararen 3. kanpainan)  4 eta 5 urtekoei proposatzen zaien SOKA SALTOKO kantak:

4 urtekoak:    “Bat eta bi” abestia.

5 urtekoak:    “Hilabeteak” abestia.

Sokasalto: BAT ETA BI on PhotoPeach
  

Sokasalto: HILABETEAK on PhotoPeach

Liburu eguna

 Apirilaren 23an Liburuaren Eguna ospatu genuen. Lehen Hezkuntzako talde bakoitzak ikasleek idatzitako testuekin liburu bana osatu zuen. Horiekin erakusketa antolatu genuen Aretoan. 5. mailako haurrek Patxi Zubizarreta idazlearen bisita izan zuten.
Liburutegiko blogean, "Xolintxo", zehaztapen gehiago eta argazkiak ikus ditzakezue. Orri honen eskuinaldean dagoen "Ikastolako Blogak" atalean lotura duzue.

Prudentzio Deunaren danborrada

Apirilaren 26an Ikastolako ikasle eta irakasle guztiok Prudentzio Deunaren danborrada ospatu genuen lehendabiziz. Familiak konbidatu genituen. Zoritxarrez, ekitaldia hasi orduko euria hasi zuen. Euri fina zen baina nahikoa ekitaldiak iruauten zuen ordu erdian denak blai gelditzeko. Plana aldatzea erabaki genuen: Haur Hezkuntzako taldeak bere patioaren alde estalira eta Lehen Hezkuntzakoak frontoira. Pena handia, baina hala ere musikariak oso ondo aritu ziren eta ekitaldi ederra gauzatu genuen. Hemen dituzue irudiak.

Danborrada 2013 from Tokieder on Vimeo.

Prudentzio Deuna: 2 urtekoen danborrada

Prudentzio Deuna: 2 urtekoak on PhotoPeach

4 urte B: animaliak lantzen

Haur Hezkuntzako 4 urte B gelakook ANIMALIAK gaia  landu ondoren, denon artean liburu bat sortu dugu. Hona hemen zuen seme-alabekin  grabatu dugun bideotxoa.

animaliak rosa 1 from Tokieder on Vimeo.

Antzerkia ingelesez

Ingeleseko departamenduak antolatuta gaur Forum Theatre Taldeak antzeztutako antzerkia  ikusten egon dira Lehen Hezkuntzako ikasle guztiak. 1. ziklokoek Magic Circus espektakulua eta gainontzekoek Marco Polo izenekoa ikusi dute. Ondo pasatu dugu eta ahozko ulermena lantzeko ekintza polita izan da.

3. mailakoak Gorozikan

Apirilean 3. mailakoek Gorozikako barnetegian hiru egun pasatu genituen. Bertan ekintza desberdinak egin genituen: Urdaibaiko padura ezagutu, inguruko animaliak bisitatu, eskupilota bat eta arrano zintzilikaria egin, oskolekin koadro dotore bat atera, elkar jolas askotan parte hartu, gau-belan dantzan ibili… Primeran pasatu genuen!

3. mailakoak Gorozikan on PhotoPeach

Elkarbizitza lantzen Ikastolan

“Zu nirekin, ni zurekin gure artean elkar lanean” lelopeko elkarbizitza kanpaina egin dugu. Lehen Hezkuntzako Bizikidetzaren Etxea eta Haur Hezkuntzako “Frederick”-en Ganbara eraiki dugu guztion artean, umeek, irakasleek, gurasoek… Horrela ulertu behar dugu Ikastola, elkarri laguntzen, guztiok osatzen dugun eremua.

Bidea argi dago, baina elkar lanean aritzeko beharra luzea eta erakargarria da.

Elkarbizitza lantzen Ikastolan on PhotoPeach

Guraso Eskolako bilkuren datak

Martxoaren 12an hitzaldi bat antolatu zen ikastolan. Hori egiteko egun horretarako programatuta zegoen Guraso Eskolako klasea atzeratu zen. Klase hori apirilaren 23an antolatu da.
Beraz ikasturte bukaera arte Guraso Eskolako saio hauek gelditzen dira:

• Apirilaren 9
• Apirilaren 23
• Maiatzaren 7

Multikirola taldea

Guraso Elkarteak antolatutako Ikastolako orduz kanpoko jardueren artean Multikirola dago. Hona hemen ikastolatik kanpo jokatutako saskiboloiko partida batean

Multikirolakoak on PhotoPeach
     
 

Argazki berriak

Aurreko sarrera hauetan argazki berriak gehitu dira:

• Agate Deunako gurasoen abesbatza
• Korrika
• Korrika Txikia

Ikastolako taldea Buesa Arenan

Ikastolako multikirola taldeak partida bat jolastu zuen Buesa Arenan Baskoniaren partida baten atsedenaldian. Hau bizipena!

Tokiederreko taldea Buesa Arenan on PhotoPeach

4 urteko artistak

ARTEA landu eta ARTE EDERRETAKO museoan egon eta gero, zuen seme-alabek, gogo handiz eta elkar-lanean “ARTE-LANAK” egin dituzte. Hona hemen  ikasitako guztia erakusteko asmoz zuen seme-alabeei  atera dizkiegun argazki batzuk. PRIMERAN PASA DUGU!!

Tokiederreko 4 urteko artistak on PhotoPeach