EUSKAL HERRIA KANTUZ

Datorren larunbatean, maiatzak 27an EUSKAL HERRIA KANTUZ ekitaldia Gasteizen ospatuko da. Ekintza honen helburua kalean kantatzea da, eta edonork parte har dezake.

Eguerdiko 13:00 ak aldera , Imanol Urbieta musikariari  omenaldia egin nahi diogu, horretarako Gasteizko umeen partaidetza bultzatu nahiko genuke, berez zuen laguntza behar dugu seme-alabak Foru Emparantzara eramateko ordu horrretan. Hantxe hiru abesti kantatuko ditugu : Ran, rober, ran ; Jon Braun eta Behin betiko. Ekitaldi osoa  ETB k grabatuko du,

Umeak hurbiltzeko eta jasotzeko lekua: Eguerdiko ordu batetan , Foru Enparantzan , frontoia dagoen tokian. Txartel bat egongo da. Ekitaldia bukatzean hor bertan jasoko duzue. Zuek ere parte har dezakezue

ANIMATU ETA PARTE HARTU.!!!

TOKIEDER KANPOKO EKINTZAK 17-18

Tokiederreko eskolaz kanpoko ekintzetan izena emateko epea ireki da, izena eman eta ez galdu aukera paregabe hau!

2017-2018 ESKOLAZ KANPOKO EKINTZAK

IZEN EMATEAK eta INFORMAZIOA

 

​

UDALEKUAK 2017

Guraso Elkarteak 2017rako Tokieder ikastolako udalekuak antolatzen jarraitzen du. Familien asmoak ezagutu eta gero, orain izena emateko ordua da. 
Norentzat: Haur hezkuntzakoentzat (3 urtetik aurrera) eta Lehen Hezkuntzakoentzat. Haurra ez bada Tokieder ikastolakoa, oharretan adierazi zein ikastetxetakoa den. 
Ordutegia: 9:30etatik 13:30ra. (Jantokian geratuz gero, 15:00etan aterako da). 
Aste bateko oinarrizko prezioa:

• Udalekua bakarrik = 55 euro. 
• Udalekua+jantokia = 90 euro.

Interesatuok atxikita doan eskaera orria bete behar duzue eta  haurraren izena eta abizenak jarri. Eskaera ordainagiriarekin batera maiatzaren 26 baino lehen ikastolako idazkaritzara eraman (UDALEKUAK sailean). Mesedez epeak errespetatu, lana erraztuko diguzu.

GURASO ESKOLA

Greba deialdia dela eta lehen hezkuntzako guraso eskolaren azken saioa ekainaren 1ean, osteguna, burutuko da.

Haur hezkuntzako guraso eskolak oraindik saio batzuk egingo ditu, maiatzaren 15 eta 29an eta ekainaren 5ean.

Zuen zain egongo gara!

Maiatzaren 16 eta 23rako greba

Kaixo familia,

Martxoak 22an oso jarraipen zabala izan zuen greba burutu genuen eta datorren maiatzaren 16 eta 23rako ere greba eta mobilizazio deialdiak egin ditugu eta maiatzaren 20rako manifestazioak Gasteiz, Donostia eta Bilbon. Oraingoan ere garrantzitsua deritzogu familiek ezagutu ditzazuen zeintzuk diren arrazoiak eta aldarrikapenak.

Egungo hezkuntza publikoaren egoera larria da eta buelta emateko oinarri-oinarrizko neurriak eskatzen ditugu. Proposatzen dugun hezkuntza sistema berri horren bidean nahitaezkoa deritzogu berdintasun eta kalitatezko hezkuntza eskubidea bermatzeko neurri eta baliabide nahikoa izatea eta lan-baldintzak nabarmen hobetzea Irakasleen artean, Heziketa Berezian, Sukalde eta Garbiketan eta Haurreskoletan. Azken urteetako murrizketen ondorioei aurre egiteko neurri zehatzak ezartzea exijitzen dizkiogu Eusko Jaurlaritza eta Haurreskolak Partzuergoari:

·        Hezkuntza inbertsioa handitzea (gutxienez Europar Batasuneko bataz-bestekoa, progresiboki %6ra iritsiz).

·        EAEko hezkuntza publikoko plantilak gutxienez 2.000 langiletan handitu behar dira kolektibo ezberdinetan

·        Bataz-beste ia %40ko behin-behinekotasuna %6ra murriztu behar da, 6.000 lanposturik gora egonkortuz kolektibo ezberdinetan

·        Gelako ikasle kopurua %10 murriztu behar da.

·        Hezkuntzako langileen eroste ahalmena berreskuratu behar da.

·        Ordezkapenak lehen egunetik egitea premiazkoa da.

·        Bajak bere osotasunean ordaindu behar dira, gaixotzen diren langileak zigortzeari utziz.

·        Erretiroa erraztu eta laguntzeko neurriak berreskuratu behar dira.

·        LOMCE Euskal Herriko gure ikastetxeetatik ateratzea eta honen moldaketa hutsa den Heziberri bertan behera uztea.

·        Hezkuntzaren merkantilizazioa alde batera uztea, egungo desorekak gaindituz hezkuntza garapen pertsonal eta sozial integralerako tresna izan dadin (kohesio soziala, integrazioa, aniztasuna, berdintasuna, hezkidetza oinarri).

·        Ikasle euskaldun eleaniztunak sortuko dituen euskarazko murgiltze eredua garatzea.

·        Balizko Hezkuntza legearen aurrean sindikatu, hezkuntza eragile eta herritarron parte hartzea eta iritzia aintzakotzat hartzea.

Lan-baldintzak hobetu eta hezkuntzaren oinarrizko beharrak eta garapena bermatzeko milaka langile eta herritarrek eginiko oinarrizko aldarrikapen hauen aurrean, Eusko Jaurlaritzak ez du benetako negoziazio borondaterik agertu.

Egoera honetan, ezinbestekotzat jotzen ditugun aurrez zerrendaturiko gure eskaerak bideratzeko, mobilizazio dinamika areagotzea funtsezkotzat jotzen dugu. Horregatik, maiatzaren 16 eta 23an berriro ere grebara deitzen dugu aipaturiko sektoreetan eta maiatzaren 20ean, larunbatean, 12:00etan, Bilbon (Jesusen Bihotza), Gasteizen (Bilbo Plaza) eta Donostian (Alderdi Eder-Hernani kalea) langileekin batera, familia eta herritarroi ere dei egiten dizuegu kalera irtetzeko, oinarrizko deritzogun aldarrikapen hauen babesean eta guztion eskubide eta bizi-baldintzen defentsan.

Aldez aurretik mila esker!