Egutegia 2013-14

Blogaren eskuineko aldean, "Informazio orokorra" atalean 2013-14 ikasturteko EGUTEGI LEKTIBOA eskura dezakezue.

Zuzendaritzaren oharra

           Familia agurgarria:

Egutegian agertzen den bezala, datorren  ostirala, ekainak 21,  izango da gure  azken klase eguna.

  

Irailaren 6an, ostirala, emango diogu hasiera ikasturteari aurten lehenengo aldiz egingo den aurkezpen saioarekin. Horregatik egun horretan klaseak 9:30etik 11:30era izango dira eta egun horretan jantokirik ez da egongo. Irailaren 9tik aurrera, eta goizeko ordutegiak iraungo duen bitartean, beraz 27ra arte, ordutegia 9:30tik 13:30era izango da. Eskola egutegia irailaren lehenengo egunetan bidaliko dizuegu. Hala ere Hezkuntza Sailak oniritzia eman bezain pronto Ikastolako blogan argitaratuko dugu.

 2 eta 3 urteko ikasleriak  egokitzapen  prozesua izango du eta horren inguruko informazio zehatzagoa emango da  Haur Hezkuntzan ekainaren 25ean 2 urtekoentzat eta 27an 3 urtekoentzat ospatuko diren  bileretan, arratsaldeko 4:30ean.

Irailaren 9an hasiko da jantoki zerbitzua hilabete horretan erabiltzeko  izena emanda dutenekin. Ikasturte osorako inskripzioa irailean egingo da.

3 urteko ikasleriak jantoki zerbitzua erabiltzeko aukera izango du irailaren 30tik aurrera eta 2 urtekoek urriaren 7tik aurrera.

Kurtsoan zehar galdutako arropa pilo bat  topatu dugu. Beraz, pasa zaitezkete jasotzera Lehen Hezkuntzako Areto Nagusitik edo Haur Hezkuntzako sarreratik.

Irailaren 6an Lehen Hezkuntzako 1. mailara pasatuko direnak 9:30ean Kiroldegian elkartuko dira, ondoren geletara joateko eta LHko 3. mailara pasatuko direnak, taldeak nahastuko direnez, Areto Nagusian elkartuko dira.

Besterik gabe, oporrak ongi igaro eta iraila arte!

 

ZUZENDARITZA TALDEA

 

Ikastolako familiak Valderejon

Pasa den maiatzaren 26an, igandean eta Tokiederreko Guraso Elkarteak antolatuta, txango bat egin genuen: Puron ibaiaren ibilbidea (Valderejo Parkea). Hemen duzue argazki batzuk.

Egun horretan 80 guraso eta seme-alabak bildu ginen. Eguraldi ederra izan genuen eta giro ezinhobea!

             Eskerrik asko parte hartu zenuten guztioi! Aupa zuek!
  Ikastolako familiak Valderejon on PhotoPeach   

3. mailakoak Izki Parke Naturalean

Ikasturte honi agurra emateko 3. mailako guztiak Izki Parke Naturalera joan gara ekainean. Bertan lokatzaz betetako ibilbide ekologiko bat osatu dugu hango inguruneko hezitzaileen laguntzarekin. Parkeko Aisialdi Lekuan bukatu dugu eta hango instalazioetan ondo baino hobeto pasatu dugu jolasten.

3. mailakoak Izkiz-en on PhotoPeach

Hurrengo bilerak Ikastolan

       

GAIA	EGUNA	ORDUA	LEKUA
Udalekua	Ekainak 19	16:00	Bilera gela
13-14ko 2 urteko gelak	Ekainak 25	16:30	Haur Hezkuntza
13-14ko 3 urteko gelak	Ekainak 27	16:30	Haur Hezkuntza

Marrazkilari sarituak

Duela hilabete batzuk 6. mailako ikasleak Francisco Javier Landaburu marrazki leihaketara aukeztu ziren. Orain emaitzak jaso ditugu eta gure 4 ikasle, Uxue, Maider, Maroa eta Unai, sariko finalistak direla jakinarazi digute.
 Zorionak!!!

2 urtekoen Ikastola jaia

Goizean 2 urtekoek bere festatxoa izan zuten ere.

 2 urtekoen Ikastola jaia on PhotoPeach   

Ikastolako jaia 2013

Maiatzaren 31an Ikastolako jaia ospatu genuen. 15:00etatik 17:00etara irakasleek antolatutako tailerrak, kirolak, puzgarriak egon ziren. 17:00etatik aurrera Guraso Elkarteak antolatutako festarekin jarraitu genuen. Oso giro ederra izan zen.

Ikastolako jaia 2013 on PhotoPeach  

Eskola Publikoaren Jaia: egitaraua

 

Igande honetan, ekainak 2, Murgian euskal eskola publikoaren jaia izango da. Irudian klikatuz Denon Eskolako (guraso elkarteen federazioa) orrian egitaraua ikus dezakezue.

Ikastolako festaren egitaraua

Arantzabela Ikastolako krosa

ARANTZABELA IKASTOLAKO XXVIII. KROSA

NOIZ: 2013ko maiatzaren  25ean. ZER ORDUTAN: goizeko 11etan. NON: Arantzabela ikastolan. NORTZUK: eredu eukalduna duten eskola publiko eta ikastolak. HELBURUA: kirol eta kultur sustapena eta elkarbizitza.

MAILA CURSO	DISTANZIA DISTANCIA	IRTEERA SALIDA	JAIOTZE DATA AñO NACIMIENTO
2 urteko gela	100	1	2010
HH-1	100	1	2009
HH-2	150	2	2008
HH-3	200	3	2007
LH-1	300	1	2006
LH-2	350	2	2005
LH-3	400	3	2004
LH-4	500	1	2003
LH-5	550	2	2002
LH-6	600	3	2001
Nagusiak Mayores	1000	3	----

-Dortsala bularrean bi kate-orratzez jarrita eraman behar da. (Dortsalak aste honetan banatu dira ikastolan) -Partaide guztientzat sariak egongo dira. -Beroketak egiteko komenigarria da partaide guztiak ezarritako ordua baino 30 minutu lehenago etortzea.

Kontsumo tailerrak

Iaz bezala egun hauetan Eusko Jaurlaritzak antolatutako kontsumoan hezitzeko tailerrak garatzen ari dira Lehen Hezkuntzan. Tailerrak honako hauek dira: energia, supermerkatua, frutak eta barazkiak, garraioa, jolasak, segurtasuna, ura, publizitatea eta teknologia berriak. Ikasle bakoitzak bi tailerretan hartuko du parte, iazko desberdinak.
Honekin batera gurasoentzako "Nola elikatu haurtzaroan" hitzaldia eskaini da.

Euskal eskola publikoaren jaia

Ekainaren 2an Murgian  euskal eskola publikoaren jaia ospatuko da. Denok konbidaturik gaude.

Familien bazkaria

Apirilaren 13an, AMPAk antolatuta nahi izan zuten familien bazkaria ospatu zen ikastolan. Hona hemen argazki batzuk. Ez du ematen gaizki pasatu zutenik!

Familien bazkaria 2013 on PhotoPeach

Olinpiada matematika

Larunbatean Arabako 6. mailako ikasleentzako olinpiada matematikaren finala ospatu zen. Gure ordezkariak primeran aritu ziren eta sarituak izan ziren, Unai Cantabrana bakarkako sailan eta Unai bera, Endika Aostri eta Eneko Diez taldekakoan.
 Zorionak, matematiko horiek!