Agate Deuna Haur Hezkuntzan

Hona hemen Agate Deuna jaian ateratako Haur Hezkuntzakoen argazkiak. Liluragarriak!

Agate Deuna. Tokieder Ikastolako Haur Hezkuntza on PhotoPeach

Agate Deunaren Lehen Hezkuntzako argazkiak

Agate Deunaren ospakizunean ateratako argazkiak ikus daitezke hemen. Sarrera honetan Lehen Hezkuntzakoak daude. Laster Haur Hezkuntzakoak jarriko ditugu.
Hasieran Ikastolako guztiak elkartu ginen patioan abesteko. Gero hiru taldetan banatu ginen, haur Hezkuntzakoak alde batetik, Lehen Hezkuntzako talde bat Gorbeialde eskolara joan zen abestera eta Lehen Hezkuntzako beste taldea Blas de Otero kaleko adinekoen Eguneko Egoitzara. Kalean abestu ondoren berriro elkartu ginen Ikastolan azken kantak egiteko. Bukatzeko frontoian opil banaketa egon zen.

Agate Deuna. Tokieder Ikastolako Lehen Hezkuntza on PhotoPeach

Agate Deuna kanta

SANTA AGEDA

Aintzaldun daigun Agate Deuna

bihar da ba Deun Agate

etxe honetan zorion hutsa

betiko euko al dabe.

Deun Agatena batzeko gatoz

aurten be iazko berbera

igaz lez hartu gagizuz eta

zabaldu zure sakela.

Zorion etxe hontako denoi!

oles egitera gatoz,

aterik ate ohitura zaharrak

aurten berritzeko asmoz.

Ez gaude oso aberats diruz

ezta ere oinetakoz

baina eztarriz sano gabiltza

ta kanta nahi degu gogoz.

Agate Deuna

Guraso agurgarriok:

Ohar honen bidez gogoratu nahi dizuegu datorren ostiralean otsailaren 4an, arratsaldeko 15:00ak inguruan hasita, Agate Deuna ospatuko dugula.

Ikastola osoa aterako gara kantatzera, baina kontuan izanda gero eta ikasle gehiago ditugula, aurreko urtean bezala denok batera atera beharrean Lehen Hezkuntzakoak bi taldetan eta Haur hezkuntzakoak bere aldetik aterako dira abestera:

• LHko A taldekoak: Gure Ikastolako patioan, Eguneko Egoitzan eta Getariako enparantzan.

• LHko B eta C taldekoak: Gure Ikastolako patioan, Gorbeialde Ikastetxean eta Zentro komertzialaren plazatxoan.

• Haur Hezkuntzakoak: Ikastolako patioan guztiak eta 4 eta 5 urtekoak Getariako enparantzara joango dira. Ikastolara bueltatzerakoan 3 urtekoekin elkartuko dira eta bertan ere kantatuko dute.

Eginkizun honi kolorea emateko asmoz, baserritarrez jantzita etortzea eta makila ekartzea komeni da.

Festa hau gure kulturaren osagarri garrantzitsua dela kontutan hartu behar dugu. Ondo atera dadin zuen laguntza ezinbestekoa da ikasleak pasatzen direnean ez ostopatzea.

Makilan haurraren izena ipintzea ezinbestekoa da. Datozen urteetarako gordetzea gomendatzen dizuegu.

OHARRA: Jantokian gelditzen direnak:

Lehen Hezkuntzakoak ikastolan bertan goizetik ekarritako jantziekin jantziko dira.

Haur Hezkuntzakoak beraien eraikuntzan jantziko dira, ahal izanez gero gurasoen laguntzarekin.

Mila esker

Euskara Batzordea

Matrikulazioa:ohiko galderak

Hemen azpian klikatuz gero 2011-12 ikasturterako matrikulazio prozesuaren inguruan sortu ohi diren zalantzak argitzeko dokumentua ikus dezakezu.
OHIKO GALDERAK

Matrikulazioa: ate irekien eguna

ATE IREKIEN EGUNA

Datorren astelehenean, urtarrilak 31, Tokieder Ikastolak ateak irekiko ditu bere instalazioak ezagutarazteko.

Interesatuta dauden gurasoekin arratsaldeko 5:15ean elkartuko gara sarrera nagusian.

ZUZENDARITZA

Matrikulazioa: Ikastolako eragin eremua

Matrikulazio eskaerak aurkezteko egutegia eta onarpen epeak

A) ESKAERAK AURKEZTEKO EPEA IKASTOLAN:	URTARRILAREN 31TIK 11 ARTE
B) ON LINE ESKAERAK AURKEZTEKO EPEA:	URTARRILAREN 31TIK 10 ARTE
C) ESKATZAILEEN ZERRENDA ARGITARATZEKO:	OTSAILAREN 16AN
D) ESKAERETAKO BERDINKETAK ERABAKITZEKO ZOZKETA:	MARTXOAREN 7AN, 09:30h
E) BEHIN-BEHINEKO ZERRENDAK ARGITARATZEKO:	MARTXOAREN 11N
F) BEHIN-BEHINEKO ZERRENDEEI ERREKLAMAZIOAK EGITEKO:	MARTXOAREN 17 ARTE
G) BEHIN-BETIKO ZERRENDAK ARGITARATZEKO:	MARTXOAREN 25EAN
H) ZERRENDAK ARGITARATZEKO( 2. ETA 3. AUKERAK)	APIRILAREN 1EAN
I) ZERRENDEI GORA JOTZEKO ERREKURTSOAK JARTZEKO:	APIRILAREN 26 ARTE

Matrikulazioa

Dakizuenez 11 / 12 ikasturterako matrikulatzeko epea laster zabalduko da. Matrikulazioa bi modutan egin daiteke:

· Ikastolan: Urtarrilaren 31tik otsailaren 11ra izango da. Egun horietan pasa zaitezkete Zuzendaritzatik inprimakiak jasotzera. Bertan azaltzen da ekarri beharreko dokumentazioa.

· On line: Aurten ere, urtarrilaren 31tik otsailaren 10era matrikulazioa “on line” egiteko aukera izango duzue ondorengo helbidean: www.hezkuntza.net (urtarrilaren 31tik aurrera erabilgai). Kasu honetan inprimakia interneten beteko duzue eta ondoren beharrezkoa den dokumentazioa Ikastolara ekarri beharko duzue.

ORDUTEGIA: Goizez: 9:30tik 11:00etara

Arratsaldez: 15:00etatik 17:00etara

2 urteko geletan dauden umeak, beste tramiterik egin gabe, automatikoki gelditzen dira matrikulatuta ikastetxe honetan jarraitzen badute 3 urteko gelan. Beste ikastetxe batera joateko bai egin behar dutela matrikulatzeko eskaera aukeratutako Ikastetxean bertan.

Zuzendaritza

Oharra: Urtarrilaren 31n, 17:15ean “ate irekien saioa “ egingo dugu

Obrak hasi dira

Gabonetan hasi behar zuten, baina izapide burokratiko batzuk eragotzi dute.
Kendutako kolunpioak patioan kokatuko dira, kiroldegiaren ondoan.
Orain, pazientzia.

Matrikulazio epea

2011-12 ikasturterako matrikulazio epea urtarrilaren 31tik otsailaren 11ra izango. Laster informazio zehatzagoa emango da.

Olentzero jaia Haur Hezkuntzan

Olentzero Haur Hezkuntzako eraikuntzan izan zen. Hau zoramena eta nerbioak. Ikusgarria!

Olentzero jaia Lehen Hezkuntzan

Abenduaren 22an Olentzero etorri zen Ikastolara. Maila bakoitzak zertxobait eskeini zion eta berak hitz ederrak, aholku onak eta opariak, jakina, eman zizkigun.
Hona hemen Lehen Hezkuntzan gertatutakoaren argazki batzuk.

OLENTZERO ZOZKETA

Hauek dira saritutako zenbakiak:
saski 1: 1689
saski 2: 1747
saski 3: 259
saski 4: 338
ordenagailua: 886
bideokamera: 1121
ipod: 1501
decathlon bale bat: 410
afari bale bat: 480
zinema bale bat: 1153

Beste aldetik ,CANAL GASTEIZ telebista bisitan izan dugu. Grabatutakoa, abenduan 23an eta 24an 21:30etatik 22:30etara eta 23:00etatik 24:etara botako dute

Urte berri on