Ikastolako jaia

       

        Jakinarazi nahi dizuegu datorren ostiralean, ekainaren 1ean, arratsaldez, IKASTOLAKO JAIA ospatuko dugula. Festa arratsaldeko 15:00etatik 20:00etara izango da, bi zatitan banaturik:

15:00etatik 17:00etara, irakasleriak antolatuta, ikasleentzako tailerrak, kirolak eta puzgarriak egongo dira.

17:00etatik 20:00etara, Guraso Elkarteak antolatuta ikasle eta familientzako txozna, puzgarriak eta beste motatako jarduerak egongo dira.

Ø     Festa irekia izango da eta denak etor zaitezteke 17:00etatik aurrera.

Ø     Ikasleak 17:00ak arte irakasleekin egongo dira. Hortik aurrera, ikastolako ikasle guztiek festan gelditzeko guraso edo beste arduradunaren menpe gelditu beharko dute.

Zuen partaidetza ezinbestekoa da ikastola esparru ludiko bezala  bultzatzeko eta denon artean gozatzeko. Polita izango litzateke umeek Ikastolako kamisetak ekartzea.

                     DENOK   IKASTOLARA!

                                    Zuzendaritza                                 

Ikastolako familien mendi irteera

Maiatzaren 13an, igandean goizez, TOKI EDER ikastolako hainbat familia ESTUNAGA mendira igo ginen. Txikiak, ertainak eta haundiak animatu ziren oso eguraldi lainotsua atera zen arren.

Giro onean ibili ginen eta inor ez zen bidean geratu.

AUPA TOKI EDERREKO MENDIZALEAK!

Ekainaren 1ean ikastolako jaia

Ekainaren 1ean ikastolako jaia izango da. Festak bi zati izango ditu:

15:00etatik 17:00etara ikasleentzako irakasleek antolatutako ekintzak egongo dira. Zati hau ikasleentzako bakarrik da.

17:00etatik 20:00etara AMPAko gurasoek antolatutako ekintzak izango dira. Zati hau familientzako irekia da. Honentzako laster boluntarioak eskatuko dira.

Aurrerago informazio zehatzagoa argitaratuko dugu.

Integrazioa azaltzeko ipuina: "El cazo de Lorenzo"

Ikastolako Guraso Eskolatik "El cazo de Lorenzo" bideotxoa zuekin partekatu nahi dugu. Hezkuntza premia bereziak dituzten haurrek sentitzen dutena azaltzeko lagungarria izan gaitzake, askotan ez baitugu gai hauek gure seme-alabei alzaltzeko modua topatzen.

Ipuina amaitutakoan hezkuntzari buruzko beste hainbat bideo ikus dezakezue.

TOKIEDER IKASTOLAKO GURASO ESKOLA

Ingeleseko antzerkia

Maiatzaren 3an Forum Teatre y Educacion taldeak bi antzerki eskeini zizkigun ingelesez; Haur Hezkuntza eta 1go ziklorako "Andersen, stories in the attic", 2. eta 3.-erako "Robin and Hood". Oso ondo pasatu genuen. Hona hemen egun horretan ateratako zenbait argazki.

Theatre in Tokieder on PhotoPeach

Liburu eguneko bideoak

Liburuaren Egunaren inguruan antolatu ziren hainbat ekintzen bideoak (erakusketarena eta  hainbat geletan guraso batzuk kanpoko hizkuntzetan  kontatutako ipuinak) liburutegiko blogean eskegi ditugu. Behean duzuen liburutegiko maskotan klikatuz ikus ditzakezue.

"AHOZKOTASUNA" Euskara kanpaina

Hurrengo egunetan 3.euskara kanpainari hasiera emango diogu.
Kanpaina honetan erabiliko dugun gaia “AHOZKOTASUNA” izango da eta antolatu diren ekintzek helburu hau dute: ikasleen ahozko adierazpena bultzatzea . Gela bakoitzak ekintzaren bat prestatuko du beste gelaren batean eskaintzeko: antzezpenak, asmakizunak, txisteak, esku jolasak, ahokorapiloak…

Komenigarria litzateke egun hauetan bereziki zuen seme alabak euskaraz hitz egitera animatuko bazenituzte, ikastolan egindakoaren inguruan interesatuz eta beraien ahalegina eskertuz.

Zuen interesa da bultzadarik hoberena zuen seme-alabak euskaraz hitz egiteko.

Danborrada: 3, 4 eta 5 urtekoak

Danborrada Haur Hezkuntzan on PhotoPeach

2 urtekoen danborrada

Danborrada: 2 urtekoak on PhotoPeach

Munduko liburuak

Liburuaren eguna ospatzeko liburutegiko arduradunak erakusketa polita antolatu du Ikastolako Aretoan. Bertan azken urtetan biltzen joan den munduko lurralde askotako liburuak erakusten dira. Hizkuntza, idazkera eta estetika arragoa dugu ikusgai. Erakusketa aste osoan egongo da jarrita, ikasleak ari dira pasatzen ikustera, liburu ulertezin horiek hartzera, ikutzera, aztertzera... liburuekin gozatzeko beste era bat da.

Familiak ere konbidatuta zaudete. A! eta lurralde arrotzetara bidaia eginez gero Ikastola gogoratuz bilduma handitzen lagundu nahi bagaituzue... gure irrifarrerik hoberena jasoko duzuela ziur egon.

Munduko liburuak on PhotoPeach

Ingeleseko antzerkiko abestiak

 Datorren maiatzaren 3an "Forum Teatre" antzerki taldeko aktoreen bisita izango dugu. Haur Hezkuntza eta 1. Zikloko ikasleek "Andersen: Stories in the Attic" antzezlana ikusiko dute, eta 2. eta 3. ziklokoek "Robin & Hood". Hona hemen antzezlan hauetan abestuko diren abestiak, etxean ere entzun ditzazuen.

HAUR HEZKUNTZA ETA 1. ZIKLOA

 
 

 2. ETA 3. ZIKLOAK

San Prudentzioko danborrada Haur Hezkuntzan

Datorren ostiralean, apirilaren 27a, Haur Hezkuntzako ikasleriak San Prudentzioko danborrada joko dute.

Ordutegia:

• 2 urteko ikasleak: Goizeko 12:25ean, gutxi gora behera

• 3, 4 eta 5 urtekoak: Arratsaldeko 15:30ean, gutxi gora behera

                                  ETORRI IKUSTERA !!!

Hirinet: Gasteizko aldizkari digitala euskaraz

Agian bere momentuan Geu Gasteiz aldizkaria ezagutu eta irakurri egin zenuten. Gasteizen euskara hutsean argitaratzen zen aldizkari bakarra zen. Arazo ekonomikoak zirela eta duela 2 urte desagertu zen, baina sortzaileak, Geu Elkarteak, jarraitu du Gasteizen euskararen alde lan egiten.

Orain proiektu berri bati heldu diote: HIRINET aldizkari digitala. Behean klikatuz ikus dezakezue. Bertan aldizkari potentea topatuko duzue, atal ugarikoa: agenda, gizarte, kultura edota kirol albisteak, bideoak, blogak, errezetak, denborapasak, komikiak, etab. Harpidetza egin dezakezue ere. Bisita ezazue!

Bertan behera gelditu zen hitzaldia gauzatuko da

“HAURRENTZAT HOBERENA DELAKO: FAMILIA BANATU ETA BANATUGABEETAN KOPARENTALITATEA AURRERA NOLA ERAMAN”.

Koparentalitatea definitu daiteke guraso biek elkarregina dutenean era positiboan eta elkarri laguntzeko erlazioa jorratzen dutenean, batez ere horien seme-alaben hezkuntzan. Gurasoen inplikazioak umeentzako abantaila argiak dakartza. Gurasoen banaketak dakarren gatazkak eragina handia dauka familietan garatu behar den koparentalitatean.Hau dela eta gatazkaren kudeaketak baldintzatuko du guraso bien partaidetza era paraleloan edo era kooperatiboan. Beraz tailer honetan koparentalitatearekin zerikusia duten kontzeptuak aztertuko dira.

HIZLARIA: PRISCILA COMINO, PSIKOLOGOA.

NOIZ?: APIRILAREN 23an, ASTELEHENA, 3.15ean.

NON?: ERAIKIN BERRIKO BILERA GELAN.

                            GURASOEN ESKOLA

GU ERE BERTSOLARI proiektuak aurrera jarraituko du

Gogorazten dizuegu 3. zikloko ikasleek parte hartzen dutela bertsolaritza tailer batean. GU ERE BERTSOLARI proiektuaren barruan, hamabostean behin, bertsolari bat etortzen da Ikastolara talde bakoitzari ordubeteko saioa ematera. Udalak egindako murrizketak direla eta proiektu hau bertan behera gelditu zen martxotik aurrera. Horren kontra sortutako mobilizazioei esker Udalak atzera jo du eta proiektuak jarraipena izango du, gutxienez,  kurtsoa amaitu arte. Beraz, berri pozgarria!